Mesha e Don Boskos

Hyrje

Në sfond kënga Parajsën….

Të dashur miq, sot së bashku po kremtojmë festën e don Boskos, Miku i të rinjve. Zemra jonë është në gëzim por edhe në vuajtje pasi do të donim në këtë festë të mos mungonte asnjë edhe pse në  fakt nuk mungon asnjë. Jo sepse x e y po sjellin këtu nën këmbët e altarit edhe foton e Elvisit, por sepse besojmë se ai jeton në Zotin dhe është sot me ne, lutet me ne dhe me familjen e vet, Lutet për ne!

Me këtë gjest nuk duam të shprehim fenë tonë, besimin e thellë se çdo jetë është një dhuratë e jotja o atë se çdo jetë përmbushet në ty.         Le të na ndihmojë kjo Meshë të forcojmë bindjen tonë se çdo minutë e jetuar është një mundësi për të përçuar gëzim e paqe tek të tjerët se një ditë do të gëzojmë bashkë pafund në lumturinë tënde.

Ofertori.

Lutja e besimtarëve festa e don boskos

1. Don Bosko thoshte: “Ndihma e Zotit nuk na mungon, nëse punojmë me besim të madh” ^{(MB XIV,650)}
2. Bëj o Atë që Jezusi të jetë gjithmonë mësuesi ynë, udhëheqja jonë, modeli ynë. ^{(MB XVIII,570)}

Të lutemi: dëgjoje o Zot lutjen tonë

3. Don Bosko thoshte: “ Të rinjtë e mi të dashur, zor se mund të gjeni dikë që të dëshirojë lumturinë tuaj më tepër se unë”^{(SPS 30)}
4. Ndihmona o Zot, të veprojmë si ai të mos kursejmë asgjë për t’u bërë mirë të tjerëve, shoqërisë civile, kishës, familjes, shokëve.

Të lutemi: dëgjoje o Zot lutjen tonë

1. Don Bosko thoshte: “Ushqim për shpirtin është fjala e Hyjit, katekizmi, Mesha e Shenjtë e sakramendet “. ^{(GP 18)}
2. Na ndihmo o Atë të mos humbim asnjë rast për të njohur mikun tonë më të mirë, Krishtin. E t’i largohemi tundimit të librave vulgarë, e ëebsiteve e filmave që na e turbullojnë shpirtin dhe trupin.

Të lutemi: dëgjoje o Zot lutjen tonë

Don Bosko thoshte: “Edukimi është punë zemre dhe vetëm Zoti e ka çelësin, ne nuk mund t’ia dalim në këtë art pa ndihmën e tij” ^{(SPS 259)}

3. Jepi o zot Prindërve dhe edukatorëve tanë urtinë për t’i kërkuar ndihmë Zotit në artin e vështirë të edukimit. ^{(SPS 366)}

Të lutemi: dëgjoje o Zot lutjen tonë

1. Don Bosko thoshte: “Mësoni të jeni mirënjohës ndaj çdokujt që ju bën mirë” ^{(MB XIII,760)}.
2. Na mëso o Atë të formojmë një shpirt mirënjohës, ndaj prindërve, edukatorëve, miqve… shumë dhurata na i bën nëpërmjet tyre, nuk janë dhurata materiale, por janë të çmueshme për ne, për t’u formuar si njerëz  e për t’u bërë shenjtër.

Të lutemi: dëgjoje o Zot lutjen tonë

1. “Për ju do të jetë një ditë gjithmonë e bukur kur me të mirë do ta ktheni një person nga armik në mik” ^{(MB XVII,271)}
2. Na jep o Atë hirin për të parë në të tjerët miq,na jep forcën  për të gëzuar me atë që gëzon, e për të vuajtur me atë që vuajnë.

Të lutemi: dëgjoje o Zot lutjen tonë

3. Don Bosko thoshte: “Një copë parajsë rregullon gjithçka”.
4. Parajsa është të jetosh në praninë tënde për amshim, Jepi shokut tonë Elvisit i cili pikërisht për festen e don Boskos do te mbushte 16 vjeç, gëzimin e pranisë tënde për amshim dhe jepi familjes së tij forcën për ta jetuar vuajtjen e me fe e shpresë në jetën e pasosur.

Të lutemi: dëgjoje o Zot lutjen tonë

Buka, Vera, Fletët A4 Me 3-4 rreshta të shkruar

1. Atë, po të ofrojmë bukën dhuratë e jotja, fryt edhe i punës së njeriut. Në altar kjo bukë do të bëhet trupi yt, ushqim për ne për ecjen tonë në shenjtëri.

2. Po të ofrojmë o Atë verën frytin i hardhisë do të bëhet gjaku yt, limfa e jetës së pasosur.

3. Po të ofrojmë o Atë këto fletë … është jeta jonë akoma e re, në të, ti ke shkruar me bashkëpunim tonë tashme disa rreshta, po t’i ofrojmë ty për të treguar se duam të të lëmë dorë të lirë, ti na do, ti e di rrugën tonë të lumturisë, jo nuk heqim dorë nga puna jonë, por duam që të lëmë vend e mundësi të na drejtosh… vetëm kështu do të realizojmë ëndrrën tënde për secilin prej nesh: gëzimin e plotë!

Falënderim Mesha e Don Boskos

1. O Atë të falënderojmë për dhuratën e Eukaristisë, sakrament që na bën një me Ty.
2. Të falënderojmë për dhuratën e don Boskos në jetën e shumë të rinjve, por edhe ne jetën tone..
3. Ti o Atë dërgon shenjat e pranisë tënde që në çdo rrethanë të jemi të vetëdijshëm se je i pranishëm.
4. Një prej këtyre shenjave ishte don Bosko. Faleminderit se ai nuk u kursye për të rinjtë
5. Faleminderit se jeta e tij ishte një shembull për këdo
6. faleminderit se shembulli i tij tërhoqi drejt teje shumë të rinj e të reja kudo në botë
7. Faleminderit që na e jep edhe ne mundësinë të mos jemi indiferentë,
8. na jep edhe ne sot mundësinë të gjejmë kuptim jetës sonë, të jemi bartës të gëzimit që vjen prej Teje!